ABŞ ordusu may ayının 29-da Sakit okeanın şərqində narkotik qaçaqmalçılığı üçün istifadə edildiyi ehtimal edilən daha bir gəmiyə zərbə endirib.
Stopnarkotik.az xəbər verir ki, bu barədə ABŞ Silahlı Qüvvələrinin Cənub Komandanlığı (SOUTHCOM) "X" sosial şəbəkəsində məlumat yayıb.
Məlumata görə, hücum nəticəsində üç narkotacir öldürülüb.
"SOUTHCOM komandanı general Frensis Donovanın göstərişi ilə mayın 29-da "Cənub nizəsi" birgə əməliyyat qrupu gəmiyə zərbə endirib... Kəşfiyyat məlumatları təsdiqləyib ki, sözügedən gəmi Sakit okeanın şərq hissəsində narkotik vasitələrin məlum qaçaqmalçılıq marşrutları ilə hərəkət edirmiş və narkotrafikin həyata keçirilməsi üçün istifadə olunub", - məlumatda bildirilib.
