Gəncədə iki qardaşı bıçaqlamaqda şübhəli bilinən şəxsin kimliyi məlum olub.
Hadisəni törətməkdə şübhəli bilinən şəxs Gəncə şəhər sakini, 2001-ci il təvəllüldü Fərid Qurbanovdur.
Belə ki, Fərid Qurbanov aralarında baş verən mübahisə zamanı 1999-cu il təvəllüdlü Dilsuz Qazıyevi və onun qardaşı 1993-cü il təvəllüdlü Vüqar Qazıyevi bıçaqlayıb.
Hazırda hadisəni törədən şəxsin yerinin müəyyən olunması istiqamətində axtarışlar davam etdirilir.
***09:16
Gəncədə iki qardaş bıçaq xəsarəti alıb.
Hadisənin şəhərin Gülüstan qəsəbəsində baş verdiyi bildirilir.
Şəhər sakinləri 1993-cü il təvəllüdlü Vüqar Qazıyev və qardaşı 1999-cu il təvəllüdlü Dilsuz Qazıyev bədənlərinin kəsilmiş-deşilmiş yaraları diaqnozu ilə xəstəxanaya yerləşdiriliblər.
Onlara ilkin tibbi yardım göstərilib, vəziyyətlərinin stabil olduğu bildirilir.
Faktla bağlı araşdırma aparılır.
