Rusiya Ukraynaya qarşı müharibə üçün 200-dən çox Hindistan vətəndaşını cəlb edib. Bu barədə Hindistan hökuməti açıqlama verib. 26 nəfərin öldüyü, daha yeddi nəfərin isə itkin düşdüyü bildirilir.
Dehli artıq 100-dən çox hindin geri qaytarılmasını təmin edərək, təxminən 50 nəfərin də vətənə qaytarılması üçün Moskva ilə danışıqlar aparır.
Moskva iddia edir ki, yalnız orduya könüllü qoşulan əcnəbiləri buna cəlb edir.
Hindistan, Nepal və Şri-Lanka bu ölkələrin yüzlərlə sakininin Ukraynada Rusiya tərəfində döyüşdüyü məlum olduqdan sonra vətəndaşlarını yalan vədlərə aldanmamağa çağırıb.
Ukraynadakı müharibədə itkin düşənlərin qohumları bildiriblər ki, rus agentləri gəncləri qanuni iş, yüksək əmək haqqı və yaşayış yeri vədləri ilə aldadıblar. Bunun əvəzinə, onlar mənasını başa düşmədikləri rus dilində müqavilələr imzalamağa məcbur ediliblər və cəbhəyə göndəriliblər.
Stopnarkotik.az